kihätüü:
mudiminõ JA hingetohtõrdus

Luumisvägi tulõ vällä nii käsitüühn ku ka kihätüühn. Kõigil meil um andit, midä saa tõisiga jaka’. Mi paku esisugumast mudimist ja hingetohtõrdust, midä olõmi aśatundjidõ käe all kavva opnu ja perrä tennü ni parhilla olõmi valmi’ ummi mõistmiisi ja tiidmiisi tõisiga jagama.  

Kihätüü um palľodõ jaos kõgõ parõmb ja kõrdalännümb viis, et laskõ’ priis ummi iho sisse jäänüid tundmiisi ja pingit, miä kõgõpäält andva’ hindäst teedä’ ku halu vai kangus, a ildampa võivaq ka peris tõvõpesäs muutuda’.  

Kihätüü moodussit um mitmit. Mi mudiminõ ja hingetohtõrdus avitas häste ni ihol ku ka hingel puhtas ja terves saia’. Kõgõ tähtsämb um esi’ tahta’ hinnäst kihätüü abiga lõdvas laskõ’, ausa olla’ ja laskõ’ hindäl köüdüssehn olla’ kõgõ tähtsämbäga – Armastusõga.

MER-mudiminõ

Lihassidõ vaihõmadsõ koe lõdvaslaskminõ vai MER-mudiminõ avitas priis saiaq halust ja pingist, miä ummaq iho sisse jäänü nii ildaaigo ku ka kavva aigo tagasi. MER (Myofascial Energetic Release) um lihassidõ vaihõmadsõ koe priislaskmisõ kihätüü muud. Seo mudimisõ man umma’ tähtsä’ vinütüs, jakkõ vallalõtegemine ja hõngutõmbaminõ.

MER-mudiminõ um ku kässiga kullõmisõ tehniga. Inemine piät tundma hinnäst julgõhe ja kimmähe, et iho süväste lõdvas laskõ’. Niimuudu võiva’ priis saiaq ka tundõperi pingõ’, vaotus. Ku hingel nakas kergemb, saa perähn ka kihä tervembäs. MER-mudiminõ and inemisele elojoudu ja värskit olõkit, võtt är halu ja tege iho ni hinge pingõst priis. 

MER-mudimisõ üts kõrd um 1,5-2 tunni ni mass 50 eurot/tunn vai umahindä andmisõ perrä.

Hawaii Lomi Lomi Nui mudiminõ

Lomi um esieräline Hawaii kihätüü muud, miä avitas süväste lõdvas laskõ’, joudu mano saia’ ja terves saia’. Lomi-mudimist kutsutas ka imehttegeväs tervüsekunstis, midä tetäs Hawaii kahuna’dõ põlitsidõ oppuisi perrä. Lomi luu rahhu ja kokkokõlla. 

Kõik iho muditas läbi lämmä õliga, aig-aolt umma’ liigutusõ’ kipõ’ ja rütmi perrä, sõs jälki pikä’, vuulsa’ ja ilestäjä’, lisas viil vinütüse’. Api saava’ lihasõ’, jaku’, lümfikõrd, veretsõõr, immuunkõrd ja energiäkeskusõ’.

Lomi-mudimisõ mõjo um pikemb ku õnnõ mudimisõ aigo. Päält mudimist nakkasõ’ vallalõ päsemä ärkäkidü’ pingõ’ ni elojoud saa naada’ priilt vuulama. Inemine saa mano väke, rahhu ja rõõmu ni tund, kuis iho ja hing kokko kõlama nakkasõ’. 

Lomi-mudimisõ üts kõrd um vähämbält 2 tunni, tahtmisõ kõrral ka palľo pikemb, ni mass 50 eurot/tunn vai uma andmisõ perrä.

Kraniosakraaltohtõrdusõ termin tulõ ladinakeelitsist sõnost (cranium – pääluu; sacrum – ristluu) ja seo tehniga pututas kõrraga inemise ihho, tundit ja vaimo. Tervüs ja joud tulõva’ tagasi tiidsä kumpmisõga, miä härgütäs kihhä hinnäst tervendämä.

Kumpminõ um kõgõ vanõmb tohtõrdamisõ tehniga. Midägi muud vaia olõ-õi. Tiidsä, helläne ja ausa kumpminõ avitas inemisel hingädä’, lõdvas laskõ’ ja olla’ köüdüssehn uma sisemädse tervüsetarkusõga.

Kraniosakraalnõ tohtõrdus usk, et iho seehn um tervüs, Elo Hingüs, olõmahn ka sõs, ku inemisel um mõni rassõ haigus vai hingevaiv. Tsihis um kullõlda’ seod sisemäst tarkust, Edimäst Hingüst, ja tiidsä kumpmisõga avita’ kihäl hindäl üles löüdä’ uma vägi, et naada’ hindä tervüst praavitama.

Inemise sisemäst tarkust kullõldas kässiga – tuu jaos umma’ hellä’ ja esierälidse’ kässi olõgi’. Ku kihä um süväste lõdvas last ja inemine usaldas, sõs löüd tä hindä seest tasakaalu, rahu ja vaikusõ – kõik naa’ puhastasõ’ ja tervendäse’ ihho ja hinge süväste. Seo hell tohtõrdus sünnüs häste ka latsilõ ja vanõmbilõ inemiisile. Tohtõrdust või tetä’ nii lõdvaslaskmisõs, kimmüse mõttõhn häti ärhoitmisõs ku ka halu vai murrõga ja päält vikasaamist.  

Kraniosakraalsõ tohtõrdusõ üts kõrd um u 1 tunn ni mass 50 eurot/tunn vai uma andmisõ perrä.

Hõngutohtõrdus

Hõngutohtõrdus avit vallalõ saia pingist, miä ummaq hinge ni iho sisse jäänü. Ku hõngutõmbaminõ käü süstemi perrä, miä kutsutas BBTRS (Biodynamic Breath & Trauma Release / biodünaamiline hingamine ja traumavabastus), võiva’ priis saiaq ka tundõperi pingõ’. Nakas hingel kergemb, saa ka kihä tervembäs, elojoud päses liikma ja inemine tund hinnäst häste. Kõgõ tähtsamb um õnnõ tervüs ja rõõmsa olõk' - ku tahat tiidsämbält hingädä’ ja ärkäkidü’ pingõ’ vallalõ pästa, tulõ hõngutohtõrdust pruuvma.

Hõngutohtõrdusõ üts kõrd um u 1,5 tunn ni mass 50 eurot/tunn vai uma andmisõ perrä.

Kihätüü ja tohtõrdusõ kotsilõ võit viil lukõ’ eestikeelist matõrjaali tast.  

Kiroda’ mullõ: erkki@maailmad.ee